Նախադպրոցահասակ երեխայի ընդհանուր զարգացման գործընթացն առաջին հերթին պայմանավորված է նրա ֆիզիկական զարգացման աստիճանով:Միայն ֆիզիկապես առողջ և առույգ երեխայի հոգոեկանն է ենթակա լիարժեք զարգացման: Ֆիզիկական զարգացման լավագույն միջոցը ֆիզիկական դաստիարակությունն է, որի անհրաժեշտությունն առավել կարևորվում է ն/դ տարիքում:
Ֆիզիկական դաստիարակության կարգախոսը Ժ.Ժ Ռուսոյի <<Առողջ մարմնում` առողջ հոգի>> հանրահայտ ձևակերպումն է:
Երեխայի ֆիզիկական զարգացումն իրենից ներկայացնում է բնականոն կենսաբանական գործընթաց,որի ընթացքում .
-կառուցվում է երեխայի ֆիզիկական մարմինը
-կոփվում է օրգանիզմը և ամրապնդվում է առողջությունը
-զարգանում են հիմնական շարժումները
-ձևավորվում են շարժողական կարողություններ ու հմտություններ
-ձեռք են բերվում ֆիզիկական հատկություններ և որակներ
-դրսևորվում է ֆիզիկական ակտիվություն և որոշակի կենսակերպ:
Ֆիզիկական զարգացման նպատակը լայն առումով առողջության պահպանումն է ու ամրապնդումը, առողջ ապրելակերպի հաստատ հաստատումը:
Ֆիզիկական դաստիարակությունը ֆիզիկական և սպորտային գործունեության հիման վրա կառուցվող , հատուկ կազմակերպված և նպատակաուղղված մանկավարժական գործընթաց է , որի նպատակը երեխայի ֆիզիկական զարգացումն է:
Ն/դ-ի ֆիզիկական դաստիարակության նպատակը երեխայի առողջության պահպանումն է ու ամրապնդումը, շարժաղական և կուլտուր-հիգիենիկ ունակությունների ձևավորումը, ֆիզիկական որակների և կուլտուրայի դաստիարակությունը:
Ֆիզիկական դաստիարակության խնդիրները ըստ Գ.Վ. Խուխլաեվայի և Պ.Գ.Սամորուկովայի հետևյալն են`
1. Առողջապահական խնդրախումբ.
-առողջության պահպանում և ամրապնդում
-օրգանիզմի կոփում
-հիմնական շարժումների զարգացում
2.Դաստիարակչական խնդիրների խումբ.
-բարոյա-ֆիզիկական հմտությունների ձևավորում
-բարոյա-կամային հատկությունների հատկությունների ձևավորում
-ֆիզիկական կատարելագործման պահանջմունքի ձևավորում
-կուլտուր-հիգիենիկ որակների դաստիարակություն
3.Կրթական խնդիրների խումբ.
-սեփական օրգանիզմի և առողջության մասին պատկերացումների ձևավորում
-հիմնական շարժումները կիրառելու հմտությունների ձևավորում
-ռեժիմի, հանգստի, ֆիզիկական ակտիվության մասին պատկերացումների ձևավորում
Ֆիզիկական դաստիարակության խնդիրների առաջին խմբին են դասվում առողջապահական խնդիրները:Առողջապահական խնդիրների արդյունավետ կազմակերպման կարևորագույն մանկավարժական պայմաններն են երեխայի կենսաբանական զարգացման տարիքային և անհատական առանձնահատկություններիիմացությունն ու հաշվառումը:
Ֆիզիկական դաստիարակության խնդիրների երկրորդ խումբն են կազմում դաստիարակչական խնդիրները`ուղղված ֆիզիկական, բարոյակամային և կուլտուր-հիգիենիկ ունակությունների ձևավորմանը, ֆիզիկապես կատարելագործվելու պահանջմունքի բավարարմանը:
Երրորդ խմբին են պատկանում կրթական խնդիրները, որոնք կոչված են երեխայի մեջ ձևավորելու գիտակից վերաբերմունք սեփական առողջության հանդեպ և առողջ ապրելակերպի հիմքեր:Կրթական խնդիրների իրականացման գործում առաջատար դեր են խաղում դաստիարակող մեծահասակների օրինակը:
Ֆիզիկական դաստիարակության հիմնական միջոցներն են `
-ֆիզիկական վարժություններ
-բնական գործոններ
-հիգիենիկ գործոններ
Ֆիզիկական վարժությունները նպատակային գործողությունների և գործունեության համակարգ է` ուղղված երեխայի ֆիզիկական ընդունակությունների զարգացմանը, շարժողական կարողությունների և հմտությունների ձևավորմանըԲնական գործոնների շարքին են դասվում բնության առողջարար ուժերը/ օդը, ջուրը, հողը և արևի ճառագայթները/:Հիգիենիկ գործոններն են` ռացիոնալ սնունդը, ռեժիմը, հիգիենիկ միջավայրը և կուլտուր-հիգիենիկ ունակությունները: